Cuira, ils 2 da favrer 2018

Na a No Billag – nus duvrain mintga vusch!

Stimadas commembras, stimads commembers da la SRG.R

Cun questas lingias vulain nus engraziar a quellas e quels che han gia sustegnì cun ina contribuziun finanziala u cun autras mesiras la lavur da «SRG.R-Avegnir» en il cumbat cunter l’iniziativa.

Nus ans permettain er d’As render attent anc ina giada a l’impurtanza da la decisiun che la populaziun svizra prenda ils 4 da mars a reguard l’iniziativa No Billag.

Tar l’iniziativa No Billag vai propi per fitg bler – i va per l’esser u il betg esser da medias objectivas ed independentas en noss pajais, e quai en las quatter linguas naziunalas. Per nus en il Grischun sa tracti da nagut auter che s’engaschar e defender l’existenza da Radiotelevisiun Svizra Rumantscha RTR, da TSO, RSO, RSI ed SRF en noss chantun.

Il pli impurtant è: Betg emblidar d’ir a vuschar cunter l’iniziativa – saja quai persunalmain a l’urna u avant ils 4 da mars en scrit. Mobilisai er a bucca, per mail e via medias socialas bleras persunas, parents ed enconuschents da far il medem. Na a No Billag – nus duvrain mintga vusch!

Grazia fitg per Voss engaschament e sustegn.

Cordialmain

Oscar Knapp Gion Lechmann
president SRG.R manader SRG.R Avegnir

Cuira, ils 2 da favrer 2018

Stimadas commembras, stimads commembers da la SRG.R

Cun questas lingias vulain nus engraziar a quellas e quels che han gia sustegnì cun ina contribuziun finanziala u cun autras mesiras la lavur da «SRG.R-Avegnir» en il cumbat cunter l’iniziativa.

Nus ans permettain er d’As render attent anc ina giada a l’impurtanza da la decisiun che la populaziun svizra prenda ils 4 da mars a reguard l’iniziativa No Billag.

Tar l’iniziativa No Billag vai propi per fitg bler – i va per l’esser u il betg esser da medias objectivas ed independentas en noss pajais, e quai en las quatter linguas naziunalas. Per nus en il Grischun sa tracti da nagut auter che s’engaschar e defender l’existenza da Radiotelevisiun Svizra Rumantscha RTR, da TSO, RSO, RSI ed SRF en noss chantun.

Il pli impurtant è: Betg emblidar d’ir a vuschar cunter l’iniziativa – saja quai persunalmain a l’urna u avant ils 4 da mars en scrit. Mobilisai er a bucca, per mail e via medias socialas bleras persunas, parents ed enconuschents da far il medem. Na a No Billag – nus duvrain mintga vusch!

Grazia fitg per Voss engaschament e sustegn.

Cordialmain

Oscar Knapp Gion Lechmann
president SRG.R manader SRG.R Avegnir