Radunanza da commembers
La radunanza generala sco organ suprem ha lieu ina giada l’onn. Las commembras ed ils commembers èn d’envidar a scrit almain duas emnas avant la radunanza cun communitgar a medem temp la glista da tractandas. Mintga commembra/commember ha ina vusch. La radunanza generala è cumpetenta da decider senza resguard dal dumber da las commembras e dals commembers preschents cun dretg da votar.
Incumbensas e cumpetenzas
La radunanza generala elegia:
- la presidenta/il president da la SRG.R
- quatter commembras/commembers da la suprastanza
- la presidenta/il president dal cussegl dal public
- set commembras/commembers dal cussegl dal public
- diesch commembras/commembers dal cussegl regiunal
- il post da revisiun.
Ella prenda per enconuschientscha:
- il rapport annual RTR davart qualitad e service public
- il rapport annual dal cussegl dal public.
Ella approvescha:
- il rapport annual da la SRG.R
- il quint annual
- il quint da gudogn e sperdita
- la bilantscha.
Ella decida davart:
- la distgargia da la suprastanza
- propostas ed impuls per mauns da la suprastanza
- revisiuns dals statuts
- midadas da la furma giuridica da la SRG.R
- la fusiun u dissoluziun da l’uniun
- la contribuziun annuala per la commembranza.
