Radund 80 persunas han participà a la radunanza generala da la SRG.R a Laax. In punct impurtant da la radunanza è stada l’elecziun da la nova suprastanta. La suprastanza aveva proponì dunna Ladina Simonelli-Zisler da Samedan per quest post. La magistra da 50 onns remplazza Gion Cola, che ha demissiunà ord motivs persunals. Ladina Simonelli-Zisler è vegnida elegida unanimamain. Ella entra en uffizi per immediat ed è elegida per la perioda 2019-2020. A la radunanza generala 2020 vegni lura a dar diversas elecziuns e reelecziuns en suprastanza, en il Cussegl regiunal ed en il Cussegl dal public da la SRG.R.