Ils 12 d’october 1946 è stada la radunanza da fundaziun da la Pro Radio Rumantsch. Quai è stà il crap da fundament per l’uniun purtadra da RTR che sa numna oz SRG SSR Svizra Rumantscha, u curt SRG.R. Quest onn ha la SRG.R pia 75 onns e quai vulain nus festivar a Mustér, a Savognin ed a Schlarigna. Il formular d'annunzia cumpara sche vus cliccais qua sut sin Vossa occurrenza preferida. Vus pudais sa chapescha er s'annunziar per pliras occurrenzas.

Nus faschain attent ch’ins po far part a las festas mo cun in certificat da Covid valaivel e cun preannunzia.
Sco certificat valan:

• Attest da vaccinaziun (il meglier gist cun code da QR sin la app da Covid u sin palpiri)
• Attest d’esser guarì
• Test negativ da PCR
• Test negativ da antigens

Per la restauraziun avain nus engaschà uniuns dal vitg ospitant.

Nus ans allegrain da Vossa participaziun. Quà vai tar il formular d'annunzia.

Entrada gratuita. Il club da ballape Schlarigna sa legra da pudair servir a Vus liongias engiadinaisas fimentadas cun tartuffels e groma aschentada, canedels tirolais en broda, andutgel, chaschiel e turtas.
ANNUNZIA PER SCHLARIGNA

Entrada gratuita. A Mustér vegnis Vus servids dals MOVIS. Dasper diversas bavrondas preparan ellas plattas da charn e chaschiel ed in u l'auter dessert. Il retgav da la restauraziun va en lur cassa.

Occurrenza da giubileum a Savognin