La radunanza da delegadas e delegads ha approvà il zercladur 2021 la nova strategia da la societad. Questa strategia duess porscher orientaziun ed inspiraziun a tut las societads regiunalas per pudair ademplir lur pensum tenor lescha, concessiun e statuts. Ella mussa er tge valurs che la SRG SSR represchenta e per tge finamiras ch’ella s’engascha. Nus ans allegrain sche Vus avais interess da dar in’egliada en la nova strategia. Vus la chattais gist qua.

Co pudain nus persvader ed entusiasmar gronds circuls da nossa societad per ils intents ed ils pensums dal service public medial? Co pudain nus manar ina debatta viva, averta e constructiva en la societad purtadra e motivar da far part activamain als dialogs? E co vegn la societad purtadra d’ademplir sias incumbensas a moda effectiva? Nus ans envidain cordialmain da far part enfin ils 12 da settember 2021 ad ina curta retschertga davart la strategia da la societad. Qua vai a la retschertga

Vossas respostas e Voss patratgs integrain nus gugent en il program dal FORUM SRG SSR. Quest’occurrenza è ils 30 da settember 2021 ed ha lieu cun persunas dals gremis da las societads regiunalas. Vus avais dentant er la pussaivladad da persequitar il program da l’avantmezdi via livestream. Il link tar quest livestream è gist qua sut.

Nus ans allegrain sin Vossas ideas e giavischain muments interessants, critics e captivants cun la societad purtadra SRG SSR e sa chapescha er cun nossa societad regiunala SRG.R.