Suenter la victoria extraordinaria da Nemo al Eurovision Song Contest 2024 è la SRG SSR pronta d'organisar il matg proxim l'eveniment en Svizra, a Basilea. En vista a questa data indispensabla laschan las quatter societads regiunalas da la SRG SSR che represchentan il public da radio, televisiun ed online en tut las regiuns linguisticas da la Svizra, discurrer la musica en 4 sairadas da musica. L'emprima etappa dal tur "SRG SSR On the Road to Basel" vegn ad esser a Lugano, citad ospitanta per l'emprima ediziun dal "Eurovision Song Contest" l'onn 1956,

ils 30 da schaner 2025 a las 20.00 en il studio Foce a Lugano.

La Svizra Rumantscha trametta Mattiu Defuns sin quest "on the road". La segunda ettappa dal event è lura a Cuira. En il rom da la Agrischa a Cuira nizzegiain nus la tribuna per il segund concert. Dasper Mattiu èn er musicistas e musicists da las autras regiuns linguisticas da la partida. Si dal Tessin pudain nus beneventar il duo: LOOPPOLI e da la Svizra Franzosa la band da Marie Jay. L'occurrenza è libra per tuttas e tuts e sa chapescha gratuita. La tribuna vegn ad esser amez Cuira, tranter la via da la staziun e la via da la Posta (datiers dal Calanda). Livio Chistell vegn a manar nus tras l'occurrenza

sonda, ils 12 d'avrigl 2025 circa davent da las 16:30 (vegn anc definì)

La terza fermada faschain nus lura l'entschatta matg a Losanna e lura sa chapescha a Basilea. Datas e temps suondan uschè svelt sco pussaivel.

Laschai er Vus infizar da la fevra dal ESC e faschai part a nossa tura musicala tras la Svizra.