Gia per la terza giada stgaffescha l’Uniun Chanzun rumantscha ina scuntrada interrumantscha che stat dal tuttafatg en l’enzenna da la chanzun e da la musica rumsntscha. Il festival è ils 3 – 5 d’october 2025 a Vella, en Lumnezia. Questa scuntrada da chant porscha ina tribuna per novas ideas e lascha daventar nus cunscients da noss grond stgazi musical.

Er la SRG.R è da la partida. Sonda, ils 4 d'october faschain fotografias. Vulais er Vus avair la schanza che Vossa foto vegn squitschada sin ina charta postala cun la quala i vegn fatg reclama per noss'uniun? Lura As faschai chic e vegni sperasora sin noss stan. Nus essan là la sonda davent da las 9:00.

Per sustegnair la SRG SSR Svizra Rumantscha en il cumbat cunter l'iniziativa «200 francs bastan» rimnain nus ultra da quai daners. Vus pudais u daventar commembra/commember da noss'uniun ni cumprar in T-Shirt «Rumantsch è dapli che...» ni simplamain far ina donaziun facultativa.
Noss conto da donaziuns è avert davent dad immediat.

Grazia fitg per Voss sustegn prezius! Cun quest sustegn vulain nus s'engaschar ch'i dat er en l'avegnir ina buna purschida da medias audiovisuala rumantscha.