Ils 4 d'october 2025 essan nus stads a Vella, en Lumnezia al terz "festival da la chanzun rumantscha". Questa scuntrada da chant porscha ina tribuna per novas ideas e lascha daventar nus cunscients da noss grond stgazi musical.

Er nus da la SRG.R avain gì ina nov'idea. Nus avain fatg fotografias cun amaturas ed amaturs dal chant. Noss fotograf professiunal Jos Schmid ha fotografà numerusas persunas e questas fotografias daventan il nov layout da noss ordinaturs da concert. Per vesair la fotocollascha stuais anc avair in zic pacienzia...ils ordinaturs vegnan producids l'entschatta da l'onn 2026.

Al "Festival da la chanzun rumantscha" a Vella ed al "Festivalet" a Turitg avain nus ultra da quai tschertgà ambassadurs per producir ina nova seria da chartas postalas ch'envidan a daventar commember da la SRG.R. Quest'emna decidain nus tge persunas che daventan nossas novas ambassaduras.

Per sustegnair la SRG SSR Svizra Rumantscha en il cumbat cunter l'iniziativa «200 francs bastan» rimnain nus ultra da quai daners. Vus pudais u daventar commembra/commember da noss'uniun ni cumprar in T-Shirt «Rumantsch è dapli che...» ni simplamain far ina donaziun facultativa.
Noss conto da donaziuns è avert davent dad immediat.

Grazia fitg per Voss sustegn prezius! Cun quest sustegn vulain nus s'engaschar ch'i dat er en l'avegnir ina buna purschida da medias audiovisuala rumantscha.