Istorgia da la CRR / SRG.R
1914-1918: La guerra retegna las emprimas emprovas da sviluppar il radio. Gia 1895 ha Guglielmo Marconi da Griffone sper Bologna inventà in'antenna che pussibilitava da transmetter signals sur ina distanza da plirs kilometers. Il svilup tecnic capita en il 20avel tschientaner. En Svizra dateschan las emprimas concessiuns per derasar emissiuns da radio da l'onn 1911. Cun l'entschatta da l'emprima guerra mundiala l'onn 1914 vegnan ils emetturs d'emprova bloccads.
1919-1922: Davent da l'entschatta dal 1921 dat l'instanza federala puspè singulas concessiuns per emprovas cun emetturs da radio.
1923-1930: Set societads regiunalas vegnan fundadas.
1931: Ils 24 da favrer 1931 vegn fundada la Societad svizra da radiodiffusiun (Societad svizra da radio SSR) a Berna.
1938: Cun la renconuschientscha dal rumantsch sco lingua naziunala sa mida bler.
1946: La Pro Radio Rumantsch vegn fundada. In onn pli tard vegn il num midà en CRR (Cumünanza radio rumantsch u davent dal 1957 Cuminanza Rumantscha Radio e Televisiun). La radunanza da fundaziun ha lieu ils 12 d'october 1946 en il hotel Lucmagn a Cuira. L'onn 1954 vegn la CRR recepida en la SSR.
1946-1991: Grond svilup da la structura organisatorica da la CRR.
1991: La CRR obtegna la posiziun d'ina societad regiunala en il sectur da radio.
1996: La festa commemorativa "50 onns CRR" ha gì lieu ils 12 d'october 1996, pia sin il di exact 50 onns suenter che la radunanza da fundaziun aveva gì lieu en l'hotel Lucmagn a Cuira.
1997: Creaziun dal premi schurnalistic "Cristal" (sper il premi CRR tradiziunal) per prestaziuns dals meds electronis.
2001: L'entschatta settember entra Bernard Cathomas en uffizi sco nov directur RTR. El daventa successur da Chasper Stupan (directur RTR 1984-2001).
2006: L'entschatta da l'onn surpiglia Duri Bezzola il presidi da la CRR. El remplazza Luregn Mathias Cavelty che ha presidià la societad purtadra dapi 1997.
2007: La CRR ha fatg ina revisiun totals da ses statuts. Quelle includa era la midada dal num da CRR ad SRG SSR Svizra Rumantscha (SRG.R). Ils status entran en vigur il 1. da schaner 2009.
2009: Il matg surpiglia Mariano Tschuor il post da directur RTR da Bernard Cathomas.
2012: A chaschun da la radunanza generala a Scuol vegn Oscar Knapp elegì nov president da la SRG.R.
2014: La primavaira ha il cussegl dal public surdà per l'emprima giada il Premi schurnalistic SRG.R, quel succeda al Premi Cristal ch'è vegnì surdà ils onns 1998-2005.
2015: Per l'emprima giada ha la radunanza generala da la SRG.R betg lieu en il Grischun, mabain en la Bassa, a Turitg.
2013: Il schaner 2013 entra Oscar Knapp da Scuol en uffizi sco president da la SRG.R
2014: L'avust 2014 surpiglia Ladina Heimgartner da Scuol la batgetta sco directura da RTR
2018: La SRG.R fa gronds sforzs per cumbatter l'iniziativa "No Billag" - cun success. En il Grischun han 77,1% ditg NA a l'iniziativa che vuleva abolir las taxas da radio e televisiun en Svizra.
2019: Davent dal schaner 2019 è Vincent Augustin da Mon president da la SRG.R
2020: La suprastanza da la SRG.R propona Nicolas Pernet sco nov directur da RTR. El entra en uffizi l'emprim da schaner 2021.
